佘詩曼飛北京宣傳《正義女神》 機場時尚穿搭引起討論- 東張+ - myTV SUPER

TVB今年重頭劇《正義女神》30號就會於翡翠台播出，劇集將率先同內地觀眾見面， 佘詩曼 結束過年至今嘅悠長假期，14號現身香港機場準備出發飛往北京，佢喺社交平台寫住「馬年第一飛」，而佢嘅機場穿搭亦非常有特色。

阿佘著住啡色連帽衛衣配同色短裙，好適合香港大約20度嘅氣溫，最搶眼係佢對毛毛boots，估計係要配合北京10度以下嘅低溫。阿佘頭戴cap帽加黑超，睇嚟係精心打扮過嘅機場時尚。

不過阿佘對毛毛boots就引起唔少討論，有網民留言話第一時間以為佢腳傷而要打石膏，當然都有人大讚佢完全carry到呢一身造型，不過時尚呢樣嘢本身就係見仁見智，最緊要自己著得開心舒服。